«Ажойиб ўйин, аммо футболчилар осмондан ерга тушишлари керак». Сантуш ғалаба ва Роналдунинг захирада қолдирилиши ҳақида

«Мукаммал эмас, лекин ажойиб ўйин бўлди, футболчиларни табриклайман. Улар ўзларини яхши кўрсатишди, аммо энди осмондан ерга тушишлари керак. 4 кундан кейин навбатдаги ўйинимиз бор. 

Швейцария тактикасига қандай қарши туришни билардик. Тўпга эгалик қилдик, уни тезда қайтариб олдик, бўш ҳудуд қолдирмай, уюшқоқлик билан ҳаракат қилдик. Керак бўлмаган голни ўтказиб юбордик, лекин ҳаммаси жойида, яна қўшдик.

Таркиб ўзгариши? Бу ўйин стратегияси эди. Далотни, Геррейруни ҳам туширдим, аммо Канселу ҳам ажойиб футболчи. 

Роналду ўрнига Рамуш? Улар — турли футболчилар. Рақибдан келиб чиқдик, буни тушунтирдим. Жамоа сардори билан ҳеч қандай муаммо йўқ. Биз кўп йиллардан бери дўстмиз. Бу масала ҳал қилинганини айтиб ўтдим ва у буюк сардор сифатида намуна кўрсатди. 

Марокаш Испанияни мағлуб этгани? Улар ЖЧ-2018да бизга ҳам (1:0) кўп муаммолар келтиришганини эслайман», — дея Сантушнинг сўзларини келтиради Record.