«Бавария» Френки вариантига қайтди

Sky Sports Deustchland хабарига кўра, «Бавария» ярим ҳимоячининг «Барселона»даги ҳолатини кузатиб бормоқда. Агар Илкай Гюндоган «Манчестер Сити»дан каталонияликлар сафига ўтса, нидерландиялик футболчининг ўйин вақти қисқариши мумкин ва немис клуби бундан унумли фойдаланмоқчи. «Бавария» бош мураббийи Томас Тухель де Йонг мухлиси экани ва бу ҳақда раҳбариятга хабар бергани айтилмоқда. Футболчининг ўзи «Барселона»ни тарк этишни хоҳлаяптими ёки «кўк-анорранглилар» унга бўлган таклифларни кўриб чиқадими ёки йўқми, ҳозирча аниқ эмас. Ла Лиганинг сўнгги мавсумида де Йонг 33та ўйин ўтказиб, 2та гол урган.