«Бавария» Люкани кўндирди

Куни кеча мюнхенликлар франциялик футболчининг меҳнат шартномасини узайтиришдан манфаатдор эканлиги маълум бўлди. Ҳозир, журналист Флориан Плеттенберг таъкидлаганидек, томонлар жуда ижобий музокаралар олиб боришди. Муҳокамаларнинг муваффақиятли якунланиши эҳтимоли жуда юқори. Яқин орада 27 ёшли футболчи клуб билан янги узоқ муддатли шартнома имзолаши мумкин. Эслатиб ўтамиз, айни дамда Люка Эрнандес Қатардаги жаҳон чемпионатида олган жароҳати сабаб майдонга туша олмайди.