«Бавария» мавсумни рекорд билан бошлади

By Пўлатов Мухаммадхон 06 Aug, 2022 3 mins read 605 views

0 comments 0 likes

Мюнхеннинг «Бавария» клуби янги мавсумнинг биринчи турида «Айнтрахт»ни сафарда 6:1 ҳисобида мағлуб этиб, Бундеслига рекордини ўрнатди.

Мюнхенликлар 6та голдан 5тасини биринчи бўлимда киритишди. Жошуа Киммих, Бенжамин Павар, Садио Мане, Жамал Мусиала ва Серж Гнабри биттадан гол уришди. «Бавария» матбуот хизмати хабарига кўра, бу Бундеслиганинг 1-туридаги 1-бўлимдан кейин қайд этилган энг йирик натижа ҳисобланади. Эслатиб ўтамиз, «Бавария» Германиянинг амалдаги чемпиони ҳисобланади. Мюнхенликлар сўнгги 10 мавсумдан буён кубокни қўлга киритишмоқда.