Де Брюйне «Сити»да қолади

«Кевин кетмайди. Мен кўп йиллар давомида таркибдан мамнунман. Бозорда нима бўлишини билмайман, лекин кимдир кетса, кейин бу ҳақда гаплашамиз. Аммо 85-95 фоизлик эҳтимол билан бизда ҳозирги таркиб бўлади», - деди «шаҳарликлар» бош мураббийи. Шунингдек, испаниялик мутахассис жамоага янги келган бразилиялик вингер Савио Морейранинг маҳоратини ҳам қайд этди. «Савио қанотда ўйнай олади ва рақиб билан бирга-бир чиқса, уни йўқ қилади. У ёш ва тетикликни сақлаб туриш учун бир ёки икки шундай ўйинчини олиб келишимиз керак, аммо 6-7 нафар футболчини ўзгартира олмаймиз. Бу имконсиз ва мантиқсиз. Кўпчилик бизга келишни ҳоҳларди, лекин биз уларнинг клублари билан келиша олмадик. Улар жуда юқори нарх қўйишганда, рози бўлмаймиз», - деди Гвардиола.