Де Хеанинг ўрнига икки номзод бор

The Athletic нашри хабарига кўра, «қизил иблислар» Бильбаонинг «Атлетик» клуби дарвозабони Унаи Симон, шунингдек, кеча пенальтилар қайтариш бўйича Чемпионлар Лигаси рекордини ўрнатган «Порту» дарвозабони Диогу Коштага қизиқиш билдирмоқда. Эслатиб ўтамиз, аввалроқ «МЮ» Де Хеа билан шартномани узайтиришга қарши эмаслиги ҳақида хабарлар тарқалган эди, аммо бунинг учун испаниялик посбон маошини қисқартиришга рози бўлиши керак. Айни дамда испаниялик дарвозабон клубида маоши бўйича юқори ўринлардан бирини эгаллаб турибди.