Дюмфрис «Реал» нишонида

Бош мураббий Карло Анчелотти жамоа трансфер бозоридаги ишларини якунлаб бўлганини айтди. Бироқ клуб мутасаддилари келаси ёзда амалга ошириладиган трансферлар бўйича иш бошлаб юборган. Мадридликлар ёши ўтиб қолаётган Дани Карвахалга ўринбосар қидиряпти. «Қироллик клуби» «А» Серияда тўп тепаётган Дензель Дюмфрисга эътибор қаратди. «Интер» футболчиси ўнг қанот бўйлаб самарали ўйин кўрсата олади. Нидерландиялик қанот ҳимоячисининг Италия чемпиони билан келишуви келаси ёзда якунига етади. «Реал» вакиллари 28 ёшли футболчи билан Мадридга эркин агент сифатида келиш масаласини олдиндан келишиб қўймоқчи.