ЕЧЛ, 1/2 финал: Ишонаверинг, «Сити» «Реал»ни йирик ҳисобда доғда қолдирди ва...

Зотан, «Эттиҳад» стадионида кутилмаганда «Манчестер Сити» «Реал»ни қабул қилиб, йирик ҳисобда ғалаба қозонди. Бернарду Сильва биринчи бўлимдаёқ дублга эришган бўлса, 2-бўлимда Милитао автоголидан сўнг ҳисоб йириклашди – 3:0. Қўшиб берилган дақиқаларда эса Холанднинг ўрнига 89-дақиқада майдонга тушган Альварес Тибо дарвозасини нишонга олиш учун икки 2 дақиқа етарли бўлди – 4:0.
Чунончи, ушбу ўйинда дублга эришган португалиялик 28 ёшли ярим ҳимоячи  Бернарду Сильва — ўйиннинг энг яхши футболчиси, деб топилди.

Шундай қилиб, Пеп шогирдлари ўтган йилги мағлубият учун «Реал»дан аламини олиб, финалга йўлланма олди. Финал баҳси 10 июнь куни Истанбулда бўлиб ўтади. Унда Англиянинг «Манчестер Сити»си Италиянинг «Интер»ига қарши бош соврин учун курашади.

Айтганча,  ушбу 1/2 финалидан (4:0) кейин Хосеп Гвардиола КЧЛ турли мавсумларида «Реал»ни 3 марта турнирдан чиқариб юборган ягона мураббийга айланди;

Бундан ташқари Гвардиола ЕЧЛдаги 100-ғалабасига эришди. У бу борада фақатгина Анчелотти (107) ва Фергюсондан (102) ортда қолмоқда. Бинобарин, 52 ёшли испаниялик мутахассис фаолияти давомида 4-марта ЕЧЛ финалига чиқди. Бу борадаги рекорд яна Дон Анчелоттига тегишли – 5та финал. Пеп бунгача 3 финалдан 2тасида ғолиб бўлган - «Барса» билан 2009 ва 2011 йил;

ЕЧЛ. Яримфинал. Жавоб учрашуви.
17 май (чоршанба)
МАНЧЕСТЕР СИТИ – РЕАЛ – 4:0 (2:0)
Голлар: 1:0 – 23 Бернарду Силва, 2:0 – 37 Бернарду Силва, 3:0 – 76, автогол Милитао, 4:0 – 90+1 Альварес
Манчестер Сити – Эдерсон, Уокер, Рубен Диаш, Аканджи, Стоунз, Гундўған (Маҳрез, 79), де Брюйне (Фоден, 84), Грилиш, Бернарду Силва, Родри, Ҳоланд (Альварес, 89).
Реал Мадрид – Куртуа, Карвахаль (Васкес, 80), Алаба, Милитао, Камавинга (Тчуамени, 80), Модрич (Рюдигер, 63), Кроос (Асенсио, 70), Вальверде, Винисиус Жуниор, Родриго (Себальос, 80), Бензема.
Огоҳлантиришлар: Рубен Диаш (50), Карвахаль (55), Гюндоган (62), Камавинга (75).
Биринчи учрашув: 1:1.