Эрлингнинг оддий сеҳри – сут

Кўпчилик Эрлингга аллақачон «Гол машинаси» ёрлиғини ёпиштирди, аммо норвегияликнинг шахсий натижаларини сеҳр-жоду билан боғлаётганлар ҳам топилади.

«Манчестер Сити» ҳужумчиси ниҳоят, сеҳр-жодуга доир гап-сўзларга муносабат билдирди. Оддий айтганда, норвегиялик голеадор ижтимоий тармоқларда ўз сирини ошкор қилди. «Бу - мен ва сеҳрли эликсирим», - дея ёзди футболчи сут идишларини ушлаб турган ҳолатдаги сурати остига. Умуман, Эрлинг шахсий диетасига ўта эҳтиёткорлик билан ёндашади. Норвегиялик футболчининг айтишича, отаси тайёрлайдиган лазанья (италянча гўшт-хамирли таом) ҳам ажо­йиб спорт формасида юришининг алоҳида сири ҳисобланади. Ҳужумчи ҳайвон юраги ва жигарини кўп ейди, шунингдек, фақат махсус фильтрланган сув ичади. Хуллас, тўғри овқатланиш Эрлинг муваффақиятининг муҳим таркибий қисмларидан биридир.