“Галатасарой” Осимхенга ўринбосар топиб қўйди
“Галатасарой” клуб раҳбарияти “Наполи” билан зиддиятга борган ҳужумчи Виктор Осимхенни ижарага олиб ўйнаётган эди.
Ҳозирда, ЎФА терма жамоалар бўлими мазкур йиғинга спарринг рақиб топиш мақсадида иш олиб бормоқда. Айтишларича, вакилларимиз ўртоқлик учрашуви ўтказиш ниятида Ливан термаси билан алоқага чиқишган бироқ, рад жавоби олинган. Бу ҳақда таниқли эксперт Алишер Никимбаев ўзининг телеграмдаги «Футболиум» каналида маълумот берди.
“Қувайт ва Ливан терма жамоалари ўртасидаги ўртоқлик ўйинида комиссар сифатида ишладим. Қувайтликлар ўз майдонларида бўладиган Кўрфаз кубоги олдидан Дохада йиғин ўтказишди. Хуллас, ўйиндан олдин Ливан термаси бош мураббийи Миодраг Радулович билан гаплашдим. У «Пахтакор»да ишлаган даврдан буён танишмиз. «Менга Ўзбекистондан қўнғироқ қилишди, январь ойида, Дубайда ўртоқлик ўйини ташкил этишни таклиф қилишмоқда. Бироқ жамоам заиф бўлса, бундай учрашувга қандай розилик беришим мумкин? Ливанда чемпионат тўхтатилган ва қачон қайта жонланиши ҳам номаълум. Футболчиларда машғулот ўтказиш имконияти ҳам йўқ. Йигитлар бугунги ўйиндан олдин ҳам атиги 2 кун шуғулланишди, холос. Мен эса Ўзбекистон термасига йирик ҳисобда ютқазишимизни истамайман» - хуллас, Радулович ўйиндан олдин ҳар қандай мураббий каби нолиди. Якунда унинг жамоаси ўйин охирида урилган 2та гол эвазига Қувайт термасини мағлубиятга учратди. Демак, ливанликлар жисмоний томондан қувайтликларга нисбатан яхшироқ ҳолатда бўлишган”.
Радулович гапларидан маълум бўляптики, Ўзбекистон термаси январь ойида БААда йиғин ўтказишни режалаштирмоқда. Бунда хорижда ўйнаётган футболчилар қатнашолмасликлари деярли тайин. Фақат «россиялик» йигитларимиз келишлари мумкин, чунки Россия чемпионатида танаффус бўлади. Бошқа лигаларда январда танаффус йўқ, масалан, Элдор Шомуродов ёки Эрондаги футболчиларимиз келишларига умид боғламаслик керак. Қисқаси, Сречко Катанец маҳаллий клублар вакиллари билан йиғин ўтказади ва шу тариқа уни Ўзбекистон чемпионатидаги футболчиларни билмасликда айблайдиганларга жавоб қайтаради. Умид қиламизки, январда барчасини билиб оламиз.
