ФИФА The Best 2024 ғолибларини эълон қилди

 Кутилганидек, Винисиус ФИФА талқинига кўра, ўтган мавсумнинг энг яхши ўйинчиси деб топилди.

Пашкаш соврини – Алехандро Гарначо

Алехандро Гарначо "Эвертон"га урилган гол учун ФИФА томонидан мукофотланди. "Манчестер Юнайтед" вингери 2023 йилнинг 26 ноябрида Премьер-лига доирасидаги ўйинда қайчи услубида гол урганди. The Best маросимида ушбу тўп йил голи деб топилди,

Йилнинг энг яхши аёл футболчиси - Айтана Бонмати

Айтана Бонмати кетма-кет иккинчи йил ҳам аёллар футболи бўйича йилнинг энг яхши футболчиси деб топилди.

Йилнинг энг яхши дарвозабони - Эмилиано Мартинес.

Мукофот учун шунингдек Андрей Лунин ("Реал"), Давид Райя ("Арсенал"), Эдерсон ("Манчестер Сити"), Жанлуижи Доннарумма (ПСЖ), Майк Меньян ("Милан") ва Унаи Симон ("Атлетик") даъвогарлик

Йилнинг энг яхши бош мураббийи - Карло Анчелотти.

Дон Карло мукофот учун курашда Хаби Алонсо ("Байер"), Хосеп Гвардиола ("Манчестер Сити"), шунингдек Испания термасидан Луис де ла Фуэнте ва Аргентина бош мураббийи Лионель Скалонини ортда қолдирди.

Эслатиб ўтамиз, Анчелотти 2024 йилда "Реал" бошқарувида Испания чемпиони бўлди, Испания ва Европа Суперкубогида ғолиб чиқди, шунингдек УЕФА Чемпионлар лигасида ғалаба қозонди

Йилнинг энг яхши футболчиси - Винисиус Жуниор.

2024 йил энг яхши ўйинчи бўлиш учун шунингдек Жуд Беллингем, Дани Карвахаль, Килиан Мбаппе, Федерико Вальверде (барчаси – "Реал"), Эрлинг Холанд, Родри (иккиси ҳам – "Манчестер Сити"), Тони Кроос (фаолиятини якунлади), Лионель Месси ("Интер Майами"), Флориан Вирц ("Байер") ва Ламин Ямал ("Барселона") даъвогарлик қилганди.