Фофана Лондонга кўчиб ўтди

Лондон клуби расмий сайти «Лестер» ҳимоячиси Уэсли Фофана жамоа аъзосига айланганини эълон қилди. Футболчи Нью-Йоркда тиббий кўрикдан ўтгач, кеча клуб қароргоҳига етиб келган. 21 ёшли франциялик марказий ҳимоячи Лондон клуби билан 7 йиллик шартнома имзолаган. «Челси» Фофана учун «Лестер»га 81+6 миллион евро (70+5 млн. фунт) тўлаши кутилмоқда. Маълумот учун, Уэсли ўтган мавсум АПЛда 35 ўйинда майдонга тушганди. Жорий мавсумда эса дастлабки икки баҳсда тўп сурган.