«Галатасарой» Азар ва Аллини сотиб олмоқчи

31 ёшли футболчи хизматларига Туркиянинг «Галатасарой» жамоаси қизиқиш билдирмоқда. Футболчининг трансфер нархи 15 млн. еврога баҳоланмоқда. Азарнинг «Реал» билан шартномаси 2024 йилнинг ёзига қадар амал қилади.

«Эвертон» ярим ҳимоячиси Деле Алли ҳам Туркия чемпионатига йўл олиши мумкин. Журналист Фабрицио Романонинг хабар беришича, «ирислар» ва «Бешиктош» англиялик футболчининг трансфери борасида келишиб олган. Трансфер борасида қарор қабул қилиш 26 ёшли футболчининг ўзига қолди. Турк клуби музокараларни тезроқ тугатишни талаб қилмоқда. Эслатиб ўтамиз, Алли февраль ойида «Тоттенхэм»дан «Эвертон»га ўтганди. Ливерпуль клуби сафида у АПЛнинг 13 ўйинида майдонга тушган.