Бунинг ажабланарли жойи йўқ, чунки август ойидагина вояга етган йигит бутун мавсум давомида «Барса»дек топ-клубнинг асосий ўйинчиси бўлди. 2021 йил 6 октябрда Гави Испания терма жамоасида дебют қилди ва терма тарихидаги энг ёш футболчига айланди (17 ёшу 62 кун), 2021 йилнинг 18 декабрида эса «Барселона» сафидаги илк голини урди. Унинг 17 ёшу 304 кунлигида «Қизил фурия» билан Чехияга қарши ўйинда киритган биринчи голи уни Испания терма жамоаси тарихидаги энг ёш гол муаллифига айлантирди. Гави Transfermarkt томонидан 70 миллион еврога баҳоланган. У «Golden Boy» совринига ҳам даъвогар ҳисобланади.