Гринвудга Италиядан таклиф бор

«МЮ»да ўйин амалиётига эга бўлолмаётган ҳужумчини Италия клуби ўз сафига қўшиб олишга тайёр. Эслатиб ўтамиз, 2022 йилнинг январь ойида Мэйсон Гринвуд ўзининг қиз дўсти Харриет Робсоннинг айбловларидан сўнг қамоққа олинганди. Жабрланувчи қиз Гринвудга зўрлаш ва унинг жонига тажоввуз қилиш айбини қўйганди ва ушбу ҳолатга алоқадор суратлар ва аудиоёзувларни интернетга чиқарганди. Шу йилнинг февраль ойида эса барча айбловлар олиб ташланди. Бироқ шундан сўнг «МЮ» ички тергов ишларини олиб боришини ва унга қадар ҳужумчи ўйинларда иштирок этиш имкониятидан маҳрум бўлишини маълум қилган. «МЮ» ва Гринвуд ўртасидаги келишув 2025 йилнинг ёзига қадар амал қилади.