Инқироз сабабчиси Гвардиолами?...

«Бу Германия терма жамоаси ва умуман немис футболи учун жуда қийин вазият. Менимча, жуда кўп ўзгаришлар бўлди. Биласизми, Гвардиола мамлакатга келиб, «Бавария»ни бошқарганида, ҳамма унинг футболини ўйнашимиз кераклигига ишонганди - қисқа паслар ва шу кабилар. Биз қадриятларимизни йўқотдик. Ўйлайманки, кўпчилик бошқа давлатлар Германияни жангчи, ўйин охиригача курашишга тайёр жамоа сифатида кўрган эди. Биз ўтган 7-8 йил ичида кучли томонларимизни унутиб қўйдик. Бир-биримизга чиройли паслар етказишга кўпроқ эътибор қаратяпмиз, бу инқироз сабабларидан бири», - дея Швайнштайгернинг сўзларини келтиради TalkSport. Эслатиб ўтамиз, Гвардиола 2013-2016 йиллар мобайнида «Бавария»ни бошқарган. Унинг қўл остида мюнхенликлар уч мартадан Германия чемпиони бўлди ва Кубогини қўлга киритди.