Иньяки Гана шарафини ҳимоя қилади

28 ёшли футболчи Бильбаода ганаликлар оиласида туғилган. Иньяки Испанияда фаолият юритди. Энди у Гана миллий жамоасига чақирув олди ва буни қабул қилди. Бу ҳақда у «твиттер»даги саҳифасида эълон қилди ва қарорни тушунтириш учун 60 сонияли видео жойлаштирди.

«Бугун мен янги вазифага дуч келяпман. Африка ва Гана мен учун нимани англатишини ҳисобга олган ҳолда илдизимни топиш вақти келди. Кичик бир мажбуриятимни қайтармоқчиман, чунки менинг шахс, ўғил ва ака сифатида тарбияланишимда Гана муҳим роль ўйнади. Шу вақтдан бошлаб ушбу жамоа рангларини ҳимоя қиламан, бор иродам билан кучимни сарфлайман. Мен «Қора юлдузлар»дан бириман», - деди Уильямс.  2016 йил 29 май куни Иньяки Босния ва Герцеговина билан ўйинда Испания либосида 30 дақиқа ўйнаган, аммо у ўртоқлик баҳси эди. Ҳужумчи «Атлетик» сафида 338та ўйин ўтказиб, 75та гол урган ва 47та голга ассистентлик қилган.