Исак учун 70 миллионли таклиф бор

Инсайдер Фабрицио Романонинг ёзишича, «Ньюкасл» клуби испан жамоасига Исак учун 70 миллион евро таклиф қилган. «Реал Сосьедад» эса инглиз клубининг таклифини рад эта олмаган. Трансфер тез орада расмийлаштирилиши кутилмоқда. Қайд этилишича, ушбу трансфер бонуслар билан 75 миллион еврога етади. Бу ўз навбатида, «Ньюкасл» учун рекорд харид, «Сосьедад» учун эса рекорд трансфер бўлади. Эслатиб ўтамиз, 22 ёшли швециялик ҳужумчи 2019 йил 10 млн. евро эвазига «Боруссия» Дортмунддан «Реал Сосьедад»га ўтганди. У ўтган мавсум Ла Лигада 32 ўйинда 6та голга муаллифлик қилган.