Салим Мустафоев: "Бизга етишмаган ягона жиҳат - барқарорлик"
Вадим Абрамов бошқарувида Суперлигага қайтган Самарқанд «Динамо»си жорий мавсум ўз олдига катта мақсадлар қўймаган бўлсада, мазмунли ўйинлари билан ижобий таассурот уйғотди кўпчиликда
Диққат қилинг, нақ 113та ўйиндан буён Флоренция клубининг бошланғич таркибида ҳар сафар қандайдир ўзгариш кузатилмоқда. Шунча ўйин 2 йил муддатни ўз ичига олганини ҳисобга олсак, бу натижа янада ҳайратланарли туюлади.
45 ёшли Винченцо Итальяно 28 сентябрь куни «Фиорентина» бошқарувида 113-ўйинини нишонлади. Ҳа, жорий мавсумни чакки бошламаган Флоренция клуби «Фрозиноне» майдонида муҳим очколарни бой берди - 1:1, лекин Итальяно Италия рекордини янгилади. Гап шундаки, у ортда қолган 113та ўйиннинг ҳар бирида бошланғич таркибни ўзгартирди. Оддий айтганда, лоақал 2та учрашувда бир хил таркибга таянмади. Қойил. Ахир 113та уринишда 113 хил таркиб танлаш... Бунақаси ақлга сиғмайди.
Айтиш жоиз, Германияда туғилган итальян - Винченчо Итальяно ушбу кўрсаткич бўйича «Ювентус» бош мураббийи Массимилиано Аллегридан ўзиб кетди. Эътиборли томони, «кекса синьора» устози 112та ўйинга чўзилган сериясини яқиндагина узганди. Аниқроғи, «А» серия 4-5-турларида «Лацио» ҳамда «Сассуоло»га қарши кечган ўйинларда бир хил бошланғич таркибни жангга ташлади. Яна бир факт шуки, Массимилиано бунга қадар Турин клубидаги иккинчи даврида бирор марта кетма-кет 2та ўйинда бир хил бошланғич таркибга таянган эмасди. Қисқаси, энди Итальяно таркиб «рокировка»си бўйича мутлақ лидер!
P.S.: Итальяно «Фиорентина»си «А» серия 7-тур ўйинини кеча ўз майдонида «Кальяри»га қарши ўтказди.
