Какута Эронга йўл олди

33 ёшли ярим ҳимоячи Франциянинг «Амьен» клубини тарк этиб, Эроннинг «Истиқлол» жамоасига қўшилди. У ўзининг янги жамоаси билан 2025 йилнинг 30 июнигача шартнома тузди. Ўзининг воқеаларга бой фаолияти давомида Какута Европанинг кўплаб машҳур клубларида ўйнашга муваффақ бўлган. Энг кўзга кўринганлари орасида у катта футболдаги фаолиятини бошлаган Лондоннинг «Челси», шунингдек, «Фулхэм», «Болтон», «Лацио», «Райо Вальекано», «Севилья» ва «Депортиво» клубларидир. Бундан ташқари, футболчи Франциянинг «Ланс» ва «Амьен» жамоаларида тўп тепган. Қизиғи шундаки, ёшлар даражасида Какута барча ёшдаги Франция терма жамоалари шарафини ҳимоя қилган. Бироқ катталар футболи ҳақида гап кетганда, ярим ҳимоячи оиласи келиб чиққан Конго ДР терма жамоасида ўйнаган. Какута ўтган мавсум Франциянинг иккинчи кучли дивизиони бўлган Лига 2да муносиб натижалар кўрсатган. Ўтказилган 22та ўйинда у 6та гол ва 2та голли узатмани амалга оширган.