Жоржо Кьеллини «Ювентус»нинг институционал алоқалар бўйича директори бўлди.
«Кьеллини «Ювентус»га қайтиб, миллий ва халқаро футбол ташкилотлари билан алоқалар бўйича масъул менежер вазифасини ўз зиммасига олди. Кьеллини ҳеч қачон «кекса синьора»ни тарк этмаган - унинг юраги, қалби ва қадриятлари ҳамиша майдонда ҳам, унинг ташқарисида ҳам клуб билан боғланган. 16 сентябрдан у футбол муассасалари билан алоқалар бўлими бошлиғи лавозимини эгаллайди. Жоржо тўғридан тўғри бош директор Маурицио Сканавинога ҳисобот беради. Унинг илмий даражаси «Ювентус» футболчиси, сардори ва афсонаси сифатидаги тажрибасини тўлдиради», - дейилади Турин клуби сайтида. Собиқ ҳимоячи 2005 йилдан 2022 йилгача «Ювентус»да ўйнаб, клуб билан 20та соврин ютган.
