Киммих фақат топ клубда ўйнамоқчи

Олдинроқ, немис ярим ҳимоячиси ёзда клубни тарк этиш ҳақида ўйлаётгани эълон қилинган эди. Маълумотларга кўра, тузукроқ таклиф тушса «Бавария» Киммихни сотишга тайёр. Футболчининг ўзи фақатгина 5 та клубнинг таклифларини кўриб чиқмоқчи. Гап «Манчестер Сити», «Ливерпуль», «Арсенал», «Реал» ва «Барселона» ҳақида кетяпти. Тилга олинган клубларнинг баъзилари футболчи билан боғланишга улгуришган. Немис футболчиси «Манчестер Юнайтед», «Челси» ёки «ПСЖ»га ўтишни нотўғри қарор деб ҳисобламоқда. Киммих ва «Бавария» ўртасидаги битим 2025 йилнинг ёзида якунига етади.