Коутиньо юртига қайтиши мумкин

Sport.es хабарига кўра, 30 ёшли футболчи жамоанинг янги бош мураббийи Унаи Эмери билан муносабатлари ёмонлашган. Бразилиялик футболчининг агентлари аллақачон янги клуб қидиришни бошлаб юборишган. Ҳозирда Коутиньо трансфери билан «Коринтианс» қизиқмоқда - жамоа раҳбарияти келишув мураккаб бўлиши мумкинлигини тушунади, бироқ хўжайинлар 2021 йилда «Арсенал»дан Виллианни қўлга киритиш бўйича муваффақиятли тажрибага ишонадилар. Филиппенинг ижараси ҳам бундан мустасно эмас. Агар тўлиқ трансфер бўлса, у ҳолда сумманинг 50 фоизини «Барселона» олиши мумкин - бунинг учун шартнома қиймати камида 20 миллион евро бўлиши керак.