Лангле «Ал-Наср»га ўтиши мумкин

Миш-мишларга кўра, каталонияликлар франциялик футболчи билан хайрлашишга ҳаракат қилмоқда. Лангле ўтган мавсумда «Тоттенхэм»да ижарада ўйнаган ва лондонликлар ҳам футболчини «кўк-анорранглилар»дан сотиб олмоқчи. Бироқ 28 ёшли ҳимоячига яна бир даъвогар пайдо бўлди. Mundo Deportivo хабарига кўра, Лангленинг трансфери бўйича музокаралар ҳозирда Саудиянинг «Ал-Наср» клуби томонидан олиб борилмоқда. Қўшимча қиламизки, Transfermarkt Клеман Ланглени 10 миллион еврога баҳоламоқда.