Легионерларимиз:  Шерзод Темировда муҳим гол, Ислом Тўхтахўжаведа эса...

«Пайкон» ва «Истиқлол Ҳузистон» ўртасида кечган учрашувда мезбонлар ҳужумчиси Шерзод Темиров ўйин қаҳрамонига айланди. 24 ёшли ўзбекистонлик ҳужумчи учрашувнинг 90+3-дақиқасидаги голи эвазига «Пайкон»ни нимчоракфинал босқичига олиб чиқди. 
Маълумот учун, Темиров жорий мавсум Эрон чемпионатида 10та ўйинда майдонга тушиб, голлари ҳисобини очмаган. «Пайкон» 16 клуб орасида 12-ўринда бормоқда.
Эрон кубоги. 1/16 финал.
11 январь (чоршанба)
«ПАЙКАН» «ИСТИҚЛОЛ ҲУЗИСТОН» - 1:0.
Гол: Шерзод Темиров, 90+3.

****
Ҳамюртимиз Ислом Тўхтахўжаев тўп тепаётган "Ал Гарафа"  эса Қатар чемпионатининг 9-турида "Қатар СК" клуби меҳмони бўлди. "Ал Гарафа" ушбу баҳсда 0:5 ҳисобида мағлубиятга учради. Мезбонлар сафида голларни Маланго Нгита, Хави Мартинес ва Ресан Башарлар уришди. Ислом Тўхтахўжаев ушбу баҳсда тўлиқ иштирок этди. 
"ҚАТАР СК" - "АЛ-ГАРАФА" 5:0
Голлар: Маланго Нгита 25, 59, 80, Хави Мартинес 50, Ресан Башар 70.
Айтганча, "Гарафа" 9 турдан сўнг 12 очко билан турнир жадвалнинг 5-ўрнида бормоқда, пешқадам "Ал Дуҳайл"да эса 20 очко бор.