«Барселона» ҳужумчиси «Осасуна»га қарши ўйинда (2:1) қизил карточка олди. 13-дақиқада польяк ҳимоячи Начо Видални майдонга қулатиб, огоҳлантириш олди. 30-дақиқада эса ҳакам Хесус Гил Манзано ҳимоячи Давид Гарсияни тирсаги билан ургани учун ҳужумчига иккинчи сариқ карточкани кўрсатди. COPE хабарига кўра, Левандовски 3та ўйинга дисквалификация қилиниши мумкин. Diario Sport нашрининг қайд этишича, Роберт майдондан чиқиб кетиш вақтида номақбул ҳатти-ҳаракатлар кўрсатган. Ушбу учрашувда ҳакамни ҳақорат қилгани учун майдондан четлатилган Жерар Пике ҳам 6 ўйинга дисквалификация қилиниши мумкин. «Осасуна»га қарши ўйин ҳимоячи учун фаолиятидаги сўнггиси бўлди.
- 25 Nov, 2024
