Маошлар кесилади...

Чемпионлик учун курашиши кутилган жамоа мавсум бошида бош мураббий ўзгартирилганидан кейин мақсадларига етолмай қолди. Грэм Поттер ўрнига яқинда жамоага олиб келинган Фрэнк Лэмпард ҳам ҳеч нарса қила олмаяпти. Аксинча, мағлубиятлар серияси бўйича рекорд ўрнатяпти холос. «Челси» келаси мавсум Чемпионлар лигасида ўйнамайди. Ягона имконият бу йил бу мусобақани ютиш орқали янги мавсумга йўлланма олиш эди. Бироқ, «Реал» лондонликларни турнирдан чиқариб юборди. The Telegraph нашрининг маълум қилишича, Чемпионлар лигасига чиқолмагани учун аксарият футболчиларнинг маоши 30 фоизга қисқаради. Манбага кўра, кўп ўйинчиларнинг шартномасига айнан мана шу банд киритилган. Хусусан, Кепа Аррисабалага, Кай Хаверц, Матео Ковачич, Ҳаким Зиеш, Кристиан Пулишич ва Нголо Канте энди камроқ маош оладиган бўляпти.