Марк учун мавсум тугадими?

«Барселона» дарвозабони «Вильярреал»га қарши ўйинда (5:1) жароҳат олди. У ҳаводаги тўпни илиб олиш учун сакраб, майдонга ноқулай йиқилди. Уни замбилда олиб чиқиб кетишди. Diario Sport хабарига кўра, тер Штеген 8 ой ёки ундан кўпроқ муддатга сафдан чиқиши мумкин. AS нашрининг хабарига кўра, 32 ёшли немиснинг тизза боғламлари шикастланган ва у 7 ойдан 8 ойгача ўйнамаслиги тахмин қилинмоқда. Тер Штеген бу мавсумда Ла Лиганинг 6та ўйинида қатнашди. Barca Universal хабарига кўра, «Барселона» зудлик билан Войцех Шенснига мурожаат қилган. 34 ёшли польяк яқинда «Ювентус»ни тарк этиб, фаолиятини якунлаганди. Манбага кўра, Роберт Левандовски ўзининг собиқ жамоадошини «кўк-анорранглилар»га таклиф қилган.