Мбаппе трансфери тезлашади энди...

ESPN нашри хабарига кўра, «Реал» раҳбарияти Мбаппенинг трансферини амалга ошириш учун 200 миллион евродан ошиқроқ маблағ сарфлаш кераклигини тушуниб турибди. Шундай бўлса-да, «қироллик клуби» 24 ёшли ҳужумчига 2029 йилнинг ёзигача давом этадиган 6 йиллик шартнома таклиф қилмоқчи. Манбаларнинг таъкидлашича, «Реал» хўжайинлари «ПСЖ» раҳбарияти Мбаппе бўйича музокарага киришишини кутмоқда. Париж клуби эса, франциялик футболчидан тезроқ қутилмоқчи. Бироқ, улар ўйинчини Англия клубларидан бирига сотмоқчи. Бу орада «Ливерпуль» Мбаппе атрофидаги гап-сўзлардан фойдаланиб қолмоқчи. Инглизлар футболчини бир мавсумга ижарага олиш борасида музокаралар олиб боришмоқда. Эслатиб ўтамиз, футболчи «ПСЖ» билан шартномасини узайтиришни истамаяпти. Шу сабабли клуб Мбаппени Япониядаги турнега олиб кетмаган. Олдинроқ Мбаппе «Ал-Ҳилол» билан музокаралар олиб боришдан бош тортганди.