Мендеш ҳамон изланишда...

Инсайдер Жанлука Ди Марционинг сўзларига кўра, у Италиянинг икки жамоаси - «Наполи» ва «Милан» билан алоқаларни янгилаган. Неаполликлар таркибида ҳозирча ҳужумкор футболчилар етарли, бироқ Мендеш ҳужумчи Виктор Осимҳеннинг қулай шартларда бошқа клубга ўтишига ёрдам беришга тайёр. Мисол учун, «Манчестер Юнайтед» билан вариант кўриб чиқилмоқда — нигериялик Роналдунинг ўрнига келиш мумкин. Шунингдек, агент «Милан» билан боғланди ва ҳужумчи Рафаэл Леау билан юқоридагига ўхшаш схемани амалга оширишга тайёр. Бироқ «россонери» ҳеч қачон 23 ёшли футболчини сотишни режалаштирмаган. Мендеш бошқа клубларни ҳам кўриб чиқади. Жумладан, «Челси», «Марсель» ва «Спортинг».