Месси дебют ўйинидаги голи эвазига «Интер Майами»га ғалаба қозонди ва...

Лига кубоги гуруҳ босқич 1-тури доирасида «Интер Майами» Мексиканинг «Крус Асуль» жамоасига қарши майдонга тушди. Учрашувнинг 54-дақиқасида “Барса”нинг собиқ юлдузлари Месси ва Бускетс Майамидаги мухлислар олқишлари остида захирадан майдонга тушишди. 
Аргентиналик ва испаниялик юлдузларнинг майдонга тушиши якунда «Интер Майами»га ғалаба келтирди. Лионель Месси 90+4-дақиқада жарима зарбасини голга айлантириб, дебютидаёқ жамоасига 3 очко келтирди.
Ушбу ўйин ва гол хусусида аргентиналик мегаюлдуз ўзининг интернетдаги ижтимоий тармоқларида қуйидагича муносабат билдирди: “Кетдик!!! Шахсан мен ва жамоаси учун дастлабки ўйинда ғалаба қозонишимиз жуда муҳим эди. Албатта бундай ютуқларни давом эттирамиз…”

MLS + MX Лига кубоги. Жануб, J гуруҳи. 1-тур
22 июль (шанба)
Интер Майами АҚШ – Крус Асуль Мексика – 2:1
Голлар: 1:0 – Тэйлор (44), 1:1 – Антуна (65), 2:1 – Месси (90+4).