"ПСЖ" ҳужумчиси "Манчестер Юнайтед"га ўтиши мумкин
«ПСЖ»нинг франциялик ҳужумчиси Рандал Коло Муани Англиянинг «Манчестер Юнайтед» клубига ўтиши мумкин, дея хабар бермоқда Fussball.news мухбири Кристофер Мишел.
L'Equipe нашри хабарига кўра, аргентиналик 35 ёшли форвард ёзда Париж клубини эркин агент сифатида тарк этиши деярли ойдинлашган. Айниқса, клуб Мессини Саудия Арабистонига рухсатсиз йўл олгани сабабли икки ҳафтага машғулотлардан четлатгач, Лионель «ПСЖ»ни тарк этиш масаласида узил-кесил қарорга келган. Манбанинг қайд этишича, Мессига Саудия Арабистонидан жиддий қизиқиш бор. Мамлакат ҳукумати аргентиналик юлдузга футбол тарихидаги энг йирик шартномани тақдим этишга тайёрланмоқда. Аргентиналик ҳужумчи келаси мавсумда Саудиянинг байроқдор клуби «Ал-Ҳилол» сафига ўтиши мумкин. Бу клуб Роналду тўп сураётган «Ан-Наср»нинг асосий рақобатчиси саналади. Шу орқали Месси – Роналду рақобати Саудия Арабистони чемпионатида кузатилади. Нашрнинг ёзишича, Месси ва унинг атрофидагилар Саудия вариантини жиддий кўриб чиқмоқда. Бу мамлакатнинг туризм элчиси саналмиш футболчининг ўзи ҳам Ар-Риёдга сафари давомида ушбу масалада Саудия Арабистони ҳукумати билан гаплашиб олган бўлиши мумкин. Аввалроқ, «Ал-Ҳилол» Мессига йиллик 400 миллион евролик таклиф бергани ҳақида хабар қилинганди. Футболчининг ўзи «Барселона»га қайтишни истаётгани ҳақида хабарлар янграган эди.
