«МЮ» янги стадионга эга бўлиши мумкин

Sky Sports нашри хабарига кўра, «Олд Траффорд»ни таъмирлаш бўйича гуруҳ янги арена қуриш мавжуд стадионни таъмирлашдан кўра тежамкорроқ деб ҳисоблайди. 100 000 ўринли стадион қуриш тавсия этилади - агар лойиҳа амалга оширилса, янги «Манчестер Юнайтед» стадиони Буюк Британиядаги энг катта стадионга айланади. Хабар қилинишича, «МЮ» «Олд Траффорд» ёнидаги клубга тегишли майдонда қурилиши таклиф қилинаётган лойиҳанинг мақсадга мувофиқлиги бўйича бир неча учрашувлар ўтказган. Клуб ҳозирда стадионни таъмирлаш бўйича муваффақиятли лойиҳаларни, жумладан «Сантьяго Бернабеу» ва Лос-Анжелесдаги «Соу-Фай» стадионларини, шунингдек, «Уэмбли» ва «Тоттенхэм» стадионларини ўрганмоқда. Бундан ташқари, ишчи гуруҳ лойиҳани молиялаштириш масаласини кўриб чиқмоқда - потенциал хусусий инвесторларнинг кенг доирасини ўрганиш режалаштирилган. Йил охиригача тўлиқ тавсиянома тайёрланиши кутилмоқда. BBC маълумотларига кўра, янги стадион қурилиши 2 миллиард фунт стерлингдан ошади. «Олд Траффорд»ни таъмирлаш, ўз навбатида, тахминан 1,2 миллиард фунт стерлингга тушади ва узоқ давом этади.