"Навбаҳор": Владимир Козак қелди, Андрей Сидоров кетди

Хабарингиз бор, Владимир Козак 1993 йил, 12 июнда Наманган вилоятининг Тўрақўрғон туманида  "Косонсойчи" жамоасида узоқ йиллар фаолият кўрсатган Анатолий Козакни оиласида туғилган.

Владимир Козакнинг катта футболдаги асосий фаолияти “Пахтакор” билан боғлиқ. Пойтахтликлар  таркибида 2010 йили дебют қилган футболчи 2021 йилги мавсум якунига қадар “шерлар” сафида ўйнади ва “Пахтакор” сафида  кўплаб совринларни қўлга киритди. 

Шунингдек, ҳимоячи ўтган мавсумнинг 1-даврасида АГМК таркибида тўп тепганлигини ҳам таъкидлаш жоиз.

Жорий мавсум бошида "Навбаҳор"га келиб қўшилган ҳужумчи Андрей Сидоров эса жамоани тарк этди ва у энди фаолиятини “Қўқон-1912” жамоасида давом эттирадиган бўлди. У “лочинлар” таркибига жорий мавсумда айнан қўқонликлар сафидан қўшилганди. Футболчи Ўзбекистон Coca Cola Суперлигаси баҳсларида жамоамиз таркибида 4 та ўйинда майдонга тушиб, 65 дақиқа ўйнади.