«Ньюкасл» ҳам бор экан...

Аргентиналик юлдуз олдида кейинги иш жойини тўғри танлаш вазифаси турибди. Матбуотнинг ёзишича, ҳозирнинг ўзида жаҳон чемпионини «Интер Майами», «Барселона», «Ал-Ҳилол» ва «Челси» кутмоқда. Таниқли журналист Пабло Гравеллоненинг маълум қилишича, 35 ёшли футболчига «Ньюкасл» ҳам иш беришга тайёр. Бу клуб саудиялик инвесторлар қўлига ўтганидан кейин дунёнинг энг бадавлат клубига айланди. Шайхлар катта трансферлар орқали жамоани суперклуб даражасига кўтаришмоқчи. Ҳар ҳолда икки мавсум давомида «Ньюкасл» аутсайдер жамоалар сафидан чиқиб, жорий чемпионатни 4-ўринда якунлади ва узоқ танаффусдан кейин ЕЧЛда қатнашадиган бўлди. Энди «Ньюкасл» раҳбарияти катта маош эвазига Лионель Мессини олиб келмоқчи. Аргентиналик юлдуз олдида мураккаб танлов турибди.