«Ньюкасл»нинг мақсади - Влахович!

By Пўлатов Мухаммадхон 16 Mar, 2023 3 mins read 452 views

0 comments 0 likes

Ёзги трансфер ойнасида хўжайинлар алмашганидан сўнг молиявий имкониятлари кескин ошиб кетган «Ньюкасл» йирик трансферни амалга ошириши мумкин.

Todofichajes хабарига кўра, «ҳаккалар» марказий ҳужумчи билан шартнома имзоламоқчи ва «Ювентус» футболчиси Душан Влаховични мақсад қилган. Қайд этилишича, «Ньюкасл» Душан Влаховичнинг трансферига 100 миллион евро тайёрламоқда. «Ювентус» молиявий аҳволи оғирлиги сабабли ҳужумчини сотишга мажбур бўлиши мумкин. Душан 23 ёшда. 2022/2023 йилги мавсумда сербиялик ҳужумчи «Ювентус» сафида 26та ўйин ўтказиб, 10та гол урди ва 4та голли узатмани ҳамкорларига тақдим этди.