Осиё чемпионати. Ўзбекистон футзал терма жамоасининг якуний таркиби маълум ҳамда...

Терма жамоа аъзолари бугун тунда Қувайтга йўл олишади. Баҳодир Аҳмедов ушбу мусобақага йўл оладиган якуний таркибни эълон қилди.
Дарвозабонлар: Рустам Умаров ("Жиззах Кентекс") , Равшан Элибоев (БМБ)
Ўйинчилар: Анасхон Раҳматов ("Жиззах Кентекс"), Машраб Одилов, Ихтиёр Ропиев ("Жиззах Кентекс"), Илҳом Ҳамроев ("Жиззах Кентекс"), Ҳусниддин Нишонов (БМБ), Суннатилла Жўраев ("Жиззах Кентекс"), Дилшод Раҳматов ("Жиззах Кентекс"), Даврон Чориев (БМБ), Акбар Усмонов (БМБ), Давлат Ибрагимов (АГМК), Шаҳрам Фаҳриддинови("Жиззах Кентекс"), Элбек Тўлқинов ("Жиззах Кентекс")…
***

Бугун ЎФА раҳбарияти мазкур йирик мусобақа олдидан Ўзбекистон футзал миллий терма жамоаси аъзолари билан учрашди. Учрашув аввалида олдимизда турган ушбу мусобақанинг масъулияти ҳақида фикр билдирилди. Унга етарлича тайёргарлик кўрилгани, бир қанча йиғинлар ва халқаро учрашувлар ташкил этилгани қайд этилди. Футзал терма жамоамиз йирик турнирларда мунтазам иштирок этиб келаётгани айтилиб, бу галги турнирда ҳам муносиб иштирок этган ҳолда юқори ўринни қўлга киритишга тилак билдирилди.

Бутун халқимиз, футбол жамоатчилиги ва мухлислар мусобақа давомида жамоамизни қўллаб-қувватлаши, вакилларимиз эса бирдам бўлиб, Ватанимиз шарафи учун курашиши ва юрт обрўсини халқаро майдонда муносиб ҳимоя қилиши кераклиги таъкидланди.

Ўз ўрнида жамоамизнинг бир қатор етакчи футзалчилари ҳам ўз фикрларини билдириб ўтишди. Шундан кейин Равшан Ирматов мураббийлар штаби билан жамоанинг айни пайтдаги ҳолати ва тайёргарлик жараёни ҳақида суҳбатлашди. Учрашув якунида ЎФА раҳбарияти масъулиятли турнир олдидан яна бир бор жамоамизга омад тилади.

Эслатиб ўтамиз, вакилларимиз Осиё кубогидаги иштирокини 27 сентябрь куни Туркманистонга қарши ўйин билан бошлайди.