Паоло Дзанетти: “Шогирдларимнинг боши айланиб қолган чоғи”

“Верона” бош мураббийи Паоло Дзанетти бу мағлубиятдан кейин жамоа аъзоларини машғулотлар базасига қамаб қўйди. Мураббий ўз хатти-ҳаракатларини қуйидагича изоҳлади.

- Мен мухлислардан узр сўраш керак, деб ўйлайман. Чунки кўрсатган ўйинимиз бу стадионда тўп  тепишга арзимайди. Мухлислар жуда хунук ҳолат гувоҳи бўлишди.

Менимча, шогирдларимнинг боши айланиб қолган ва бу масалани ҳал қилишимиз керак. Шу боис, номаълум муддатга базага қамалиб оламиз ва керакли ўйин даражасига етишмагунимизча бу ердан ҳеч ким чиқмайди, - деди Паоло Дзанетти.

Маълумот учун, “Верона” 13-турдан кейин 12 очко тўплаган ҳолда мусобақа жадвалида 14-ўринда бормоқда.