Павар агенти «Барса» билан музокара ўтказди

Kicker хабарига кўра, испан клуби 26 ёшли футболчини қўлга киритишга қарши эмас. Номинал ўнг қанот ҳимоячиси бўлган Павар ҳимоя марказида ўйнашни афзал кўради. Бу трансфер учун муаммо бўлиши мумкин, чунки «Барселона» ўйинчини ўнг қанот ҳимоясида ўйнатмоқчи. Бенжамин Павар 2019 йилдан бери «Бавария»да тўп суради. Ҳимоячининг клуб билан амалдаги шартномаси 2024 йилнинг ёзига қадар мўлжалланган. Жорий мавсумда франциялик футболчи Германия чемпионатининг 13та ўйинида қатнашиб, 1та гол урган.