"Пахтакор"да янги легионерлар: Павел Павлюченко ва Мэтью Стинворден!

Павлюченко фаолиятида Беларуснинг "Днепр", "Динамо" Брест, "Рух", Польшанинг "Гурник" ва "Брук-Бет" клублари сафида ўйнаган. Ушбу 25 ёшли могилёвсклик киппер Беларус миллий терма жамоасида айни пайтгача 11 учрашувда майдонга тушган. Бир мартадан Беларус чемпионати ва Кубогида ғолиб бўлган. Павлюченко билан бир ярим йиллик шартнома имзоланди. У жамоамизга бепул трансфер қилинди. 
***
Шунингдек, нидерландиялик Мэтью Стинворден "Шерлар" билан ярим йиллик шартнома имзолади 

30 ёшли марказий ҳимоячи жамоамизнинг янги футболчисига айланди. У билан бир ярим йиллик шартномага имзо чекилди.
"Фейеноорд" клуби тарбияланувчиси саналган Стинворден ҳозиргача Голландиянинг "Фейеноорд", "Эксельсиор", "Дордрехт", "Камбуур" ва Хорватиянинг "Горица" клублари шарафини ҳимоя қилган. 2019 йилдан бери Хорватия клубида ўйнаган. Фаолиятида чемпионатларда 250 ўйинда 15 гол муаллифи бўлган. Стинворден "Пахтакор"да ўйнайдиган голландиялик биринчи футболчига айланади. У эркин агент сифатида жамоамизга кўчиб ўтди.