Переснинг бош ассамблеядаги нутқидан...

«Реал Мадрид» президенти ўз нутқини ўтган мавсумда вафот этган Амансио Амаро, режиссёрлар Фернандо Фернандес-Тапиас, Рауль Ронда Ортис ва мадридистларга ҳурмат кўрсатиш билан бошлади.

Масъулият ҳақида

- «Реал Мадрид» президенти бўлиш - бу мен ҳаётимда ўз бўйнимга олган энг катта масъулиятлардан биридир. Нафақат жамоанинг спорт тарихидаги энг катта кубок арсеналини тўплаган майдонда муваффақият қозонгани учун, балки биз ўз қадриятларимизга содиқ қолганимиз учун ҳам. Ва айнан шунинг учун биз шундаймиз. Авлоддан-авлодга ўтиб келаётган ва 121 йиллик тарихимизнинг асоси бўлган ушбу нишоннинг қадриятлари туфайлидир. Бу қадриятлар бизни миллионлаб одамлар билан бир хил туйғу - мадридизм асосида бирлаштиради: иш, доимий ўзини такомиллаштириш, фидойилик, камтарлик, дўстлик, адолатли ўйин, ҳурмат ва бирдамлик.

«Сантяго Бернабеу» ҳақида

- Биз катта орзуларимиздан бири - «Сантяго Бернабеу» стадионини ўзгартириш арафасида турибмиз. Ва мен таъкидламоқчи бўлган биринчи нарса шундаки, биз биргаликда қилган ишимизга муносиб аҳамият беришимиз керак. Бу сизнинг барчангизни, сосьос ва «Реал Мадрид» мухлисларини тушуниш орқали амалга оширилди, улар бизнинг жамоамизни қўллаб-қувватлаш учун келган, бундай миқёсдаги лойиҳа, энг катта қурилиш лойиҳаси ва Европада қурилган энг қийин лойиҳалардан бири билан боғлиқ табиий ноқулайликларга қарамай. «Бернабеу»нинг қайта қурилиши «Реал» учун «олдин» ва «кейин»ни белгилайди. Ва биз буни мураккаб ижтимоий-иқтисодий вазият фонида қилдик. Пандемия авжида ва Украинадаги можаро каби уруш оқибатлари билан материаллар нархининг кўтарилишидан тортиб, иш вақтини узайтиришгача бўлган кўплаб прогнозларни бузди. Аммо ҳозир янги «Бернабеу» стадиони бизни янада кучлироқ қилишига катта қувонч ва ишонч билан ўтадиган сўнгги босқичдамиз.

Ёшлар академияси ҳақида

- Бизнинг ёшлар академиямиз дунёдаги энг яхшисидир. Бу яқинда CIES Football Observatory шарҳида акс эттирилган бўлиб, унда биз топ-5 лига учун энг кўп ўйинчи етказиб берадиган ёшлар академиялари рейтингида 1-ўринни эгалладик. Ҳозирги вақтда Ла фабриканинг 44 нафар тарбияланувчиси Европа футболининг етакчи лигаларида ўйнайди. Кантерамизнинг 12 жамоаси чемпионлик унвонини қўлга киритди, 8таси эса ички мусобақани мағлубиятсиз якунлашга муваффақ бўлди.

Молиявий вазият ҳақида

- 2022|23 йилги мавсум учун стадионимиз ҳали тўлиқ тўлдирилмаган бўлса-да, клуб бу мавсумда 843 миллион евро даромад олди, бу ўтган мавсумга нисбатан 16 фоизга кўп бўлиб, 12 миллион евроли солиқдан кейинги даромадга эришди.

«Реал Мадрид» фонди ҳақида

- Биз кучли ижтимоий мажбуриятларга эга клубмиз. «Реал Мадрид» жамғармаси бирдамлик рамзи ҳисобланади. 26 йил давомида у жамиятимизнинг энг заиф қатламларига, айниқса ижтимоий изоляция хавфи остида бўлган болаларга ёрдам беради. Мен ҳар доим айтганимдек, бу «Реал Мадрид»нинг руҳи.

Европа футболидаги инқироз ҳақида

- Футбол мисли кўрилмаган институционал инқирозни бошдан кечирмоқда. Испанияда ҳам, Европада ҳам барча даражаларда. Асосий муаммо шундаки, мухлислар ҳақида ўйламасдан ҳаракат қиладиган бир қатор манфаатдор томонлар мавжуд. Ва биз футбол яна бутун дунё бўйлаб кўпроқ мухлисларни илҳомлантириши учун ишлашни давом эттирамиз. Европа футболи УЕФА президентига тегишли эмас. Испания футболи Ла Лига президентига тегишли эмас. Футбол ҳеч кимнинг монополияси эмас, чунки у ҳаммага тегишли. Суперлиганинг мақсади жуда аниқ: клублар ўртасидаги энг яхши мусобақани таъминлаш. Молиявий адолатли ўйин қоидаларига бир марта ва умуман риоя қилиш керак. Бунинг учун бизга ХХI аср стандартларига жавоб берадиган ва Европа Иттифоқи тамойиллари ва қонунларига бўйсунадиган шаффоф ва замонавий корпоратив бошқарув тузилмалари керак.

Суперлига ҳақида

- Шу вақт ичида Суперлига лойиҳаси доимий равишда дезинформацион ва манипуляцион кампанияларга дуч келди. Ҳатто биз миллий лигалардан чиқишни хоҳлаймиз, деб даъво қилинган, аммо ҳамма бу ҳақиқат эмаслигини билади. Чунки бу миллий мусобақалар ва уларнинг тақвимларига тўлиқ мос келадиган турнир бўлади. Суперлиганинг ягона ва асосий мақсади - Европа мусобақаларини яхшилаш, модернизация қилиш ва кучайтириш, табиийки, имтиёзларсиз ва истисноларсиз. Чунки бу бутунлай меритократик мусобақа бўлади. Ушбу мавсум ҳозирги Чемпионлар Лигаси модели учун сўнгги мавсум бўлади. Уй ва сайёр ўйинларсиз янги, ҳеч ким тушунмайдиган Европа турнири. Ҳеч қандай футбол маъносига эга бўлмаган ғайриоддий, бемаъни лойиҳа. Таклиф этилаётган янги формат УЕФА юқори қисмидаги сиёсий бошқарув тизими ва уларнинг директор сифатида қайта сайланиши боғлиқ бўлган кучлар мувозанати учунгина мос келади.

«Негрейра иши» ҳақида

- Мен ўз нутқимни «Негрейра иши»га керакли ҳавола билан якунламоқчиман. Бу қисқача бўлади, чунки бу масала суд томонидан бошқарилади. Футбол клуби деярли 20 йил давомида вице-президентга ва Испания ҳакамларининг иккинчи рақамли корчалонига қарийб 8 миллион евро тўлаган бўлса, бу нормал эмас, деган фикрга қўшиласиз. Бу дунёдаги испан футболининг имиджига жиддий зарар етказадиган ўта жиддий иш. Шундай бўлсада, биз Адлия тизимига тўлиқ ишонамиз.

25та Еврокубоклар ҳақида

- Ва буларнинг барчаси «Мадрид» оқ футболкасига муносиб ҳурмат билан, меҳнатсеварлик, тиришқоқлик, ғолибнинг руҳи, адолатли ўйин ва камтарликка асосланган. Келиб чиқиши, мансублиги, миллати, тили, дини, мафкураси ёки маданиятидан қатъий назар, дунёнинг барча бурчакларидаги одамларнинг қалбини бирлаштирадиган чегарасиз Мадриднинг «Реал»идир.

М.ПЎЛАТОВ тайёрлади