Пимента - «Севилья» бош мураббийи

49 ёшли Хавьер Гарсия Пимента билан икки йиллик шартнома имзоланди. Испаниялик мутахассис 2006 йилдан 2021 йилгача «Барселона» тизимида ишлаган - ёшлар жамоаларига, шунингдек, «кўк-анорранглилар»нинг ўринбосарларига мураббийлик қилган. У 2017/18 йилги мавсумда клуб билан УЕФА ёшлар лигасида ғолиб чиққан. Пимента 2022 йилдан бери «Лас-Пальмас»ни бошқараётганди. У жамоани Ла Лигага қайтарди ва ўтган мавсумда юқори дивизионда 16-ўринни эгаллади. Олдинроқ «Севилья» Ла Лигада 14-ўринни эгаллаганидан кейин Кике Флорес бош мураббийлик лавозимини тарк этганди.