Пирло Туркияда ишлайди

Инсайдер Никола Скиранинг ёзишича, Пирло Туркиянинг «Фотиҳ Карагюмрук» клуби билан шартнома масаласида келишувга эришган. Манба хабарига кўра, турк клуби ва италиялик мутахассис ўртасида 2024 йилга қадар шартнома имзоланади. Туркия клуби яқин кунларда бу ҳақда расман хабар бериши кутилмоқда. Эслатиб ўтамиз, Пирло 2020/21 йилги мавсумда «Ювентус»ни бошқариб, Италия кубоги ва Суперкубогида зафар қучганди. «А» серияда эса 4-ўринни эгаллаган.  Маълумот учун, «Фотиҳ Карагюмрук» клуби якунланган мавсум Туркия Суперлигасида 57 очко жамғариб, 8-ўринни эгаллаган.