Погба қолишга қарор қилди

By Пўлатов Мухаммадхон 04 Sep, 2023 3 mins read 245 views

0 comments 0 likes

Ўтган йили декабрда Криштиану Роналду Саудия Арабистони вакили «Ал-Наср»га кўчиб ўтганидан кейин Европа юлдузларининг Осиёга йўли очилди.

Айниқса, ёзги трансферлар вақтида ўнлаб номдор ўйинчилар араб клублари билан катта шартномаларни имзолади. Бироқ, саудияликлар тикаётган пулларга қарамаётган ўйинчилар ҳам бор. Кейинги пайтда ишлари юримай қолган Поль Погба шайхлар таклифини қабул қилмади. Football Italia нашрининг ёзишича, франциялик ярим ҳимоячига «Ал-Аҳли» ва «Ал-Иттиҳод» жиддий қизиқиш билдиряпти. Бироқ, Погба «Ювентус»да қолишини таъкидлади. Саудия Арабистонида трансфер бозори 7 сентябрга қадар давом этади.