Қани ўша самимий/ уятчан Килиан?

Билмаганлар учун маълумот: Килиан барчасини «Монако»да бошлаган ва бирданига не-не топ-клублар оромини ўғирлаганди. Яқинда ижтимоий тармоқларга футболчи 18 ёшли вақтда олинган видеолавҳа қўйилди ва у кучли вирус каби жуда тез тарқалди.

«Монако» 2017 йилнинг апрелида «Тулуза»ни қабул қилган. 18 ёшли Килиан ўша ўйиннинг иккинчи бўлими ўрталарида рақиб дарвозасини нишонга олган ва 86-дақиқада ўз ўрнини захира вакилига бўшатиб берганди. Хуллас, ёш ҳужумчи захира ўриндиғидан жой олгани ҳамоно кўзи стадион мониторларига тушади ва ўзини йирик планда кўради. Видеода эса Килианнинг ўшанда бироз уялгани яққол сезилган. 

Табиийки, ижтимоий тармоқларда Килианнинг самимий ва уятчанлиги яққол билинган видеолавҳа кўп бора кўрилмоқда ва бунга билдирилган изоҳ-муносабат ҳам етарли:

- Ўзингни катта экранда кўрганингда, бутун дунё сени кузатаётганини тушуниб, бироз хижолат тортасан, барибир. Бу - беғубор ёшлик...

- О, қандай самимий Килиан Мбаппе! Қани энди, у шундай камтар бўлиб қолганида...

- Тўғриси, ушбу видеодаги самимий Килианни анчадан буён кўрганим йўқ. 

- Ҳозирда кучли эътибор Килианга асло таъсир қилмайди.