QSI: навбатдаги нишон «Тоттенхэм»!

Журналист Бен Жейкобснинг сўзларига кўра, QSI бу йил инглиз клубларидан бирида миноритар акциядор бўлмоқчи. Жумладан, «Тоттенхэм» билан фаол музокаралар олиб борилмоқда. «ПСЖ» президенти ва QSI бош директори Носир ал Хелайфи ҳафта бошида «Тоттенхэм» раҳбари Даниэль Леви билан учрашув ўтказди. Ҳозирча музокаралар дастлабки босқичда давом этмоқда. QSI 2023 йилда бир нечта клубларга катта сармоя киритиши кутилмоқда. Улар аллақачон «Брага»нинг 23 фоиз улушига эгалик ҳуқуқига эга бўлди ва Европадаги камида битта бошқа клубда миноритар акциядор бўлишни хоҳлайди. Жанубий Америка ҳам улар учун устувор минтақа ҳисобланади.