Рафинья билан келишув нақд, фақат...

Манба берган хабарга кўра, каталонияликлар 25 ёшли бразилиялик футболчининг трансфери борасида футболчининг агенти Деко билан келишувга эришган, бироқ инглиз клуби футболчи учун 55 миллион евро олмоқчи. «Барселона» ҳали бу суммани тўлашга тайёр эмас. Рафиньяга АПЛнинг бир қанча клублари ҳам қизиқиш билдирмоқда, жумладан, «Арсенал» ҳам, аммо уларнинг ҳеч бири ҳозирча расмий таклиф билан чиққани йўқ. 2021/22-йилги мавсумда вингер «Лидс» сафида 36та ўйинда майдонга тушиб, 11та гол урди ва 3та голли узатмани амалга оширди. Transfermarkt.com портали ҳужумчининг нархини 45 миллион еврога баҳоламоқда.