РАКУРС: Палмер учун алоҳида соврин

06 Jun, 2024 4 mins read 168 views

0 comments 0 likes

Бемажол «Челси»ни имкон қадар ўз ортидан эргаштиришга уринган Коул Палмер «МЮ»га қарши ўйинда «хет-трик» қайд этиб, «аристокларлар»га 4:3 ҳисобида ғалаба келтиргани ортидан алоҳида совринга эга чиқди

…Game Changer Of The Season. Бу мукофот мавсум давомида ўйин бориши ва натижасини кескин ўзгартириб юборган энг кучли ҳаракат учун берилади.

Эсласангиз, англиялик иқтидор АПЛ 31-туридан ўрин олган «Челси» - «МЮ» ўйининг охирги дақиқаларида 2та гол уриб, ғалабани «аристократлар» томон «юмалатган» эди оҳиста. Охирги паллада 2та гол - бу кучли перформанс (санъат), албатта! Асосийси, «Челси» айнан Палмер қайд этган «хет-трик» эвазига «МЮ»-ни мағлубият кўчасига киритганди фантастик тарзда. Маълумот учун, «кўклар» ярим ҳимоячиси дастлабки голини 19-дақиқада пенальтидан урган бўлса, кейингилари 90+10 ва 90+11-дақиқаларга тўғри келганди. Мана, у ўша кароматини эслатиб турувчи соврин эгасига айланди.