Расман: Ўзбекистон миллий жамоаси 20 ноябрда Россияга қарши ўйнайди

«Ўзбекистон миллий жамоаси 13 ноябрь куни Тошкентда навбатдаги ўқув-машғулот йиғинларига киришади. Йиғин доирасида жамоамиз иккита ўртоқлик учрашувида иштирок этиши режалаштирилган. 

Дастлабки ўйин 16 ноябрь санасида Қозоғистон миллий жамоасига қарши бўлиб ўтишини маълум қилгандик. Шунингдек, Сречко Катанец шогирдларининг 20 ноябрь кунги рақиби ҳам маълум. Футболчиларимиз Россия терма жамоасига қарши майдонга тушадилар. Учрашув «Пахтакор» стадионида соат 17:00да старт олади», - дейилади ЎФА хабарида.