Равшанбек Ягудин – Суперлига-2024 рекордчиси!

Sofascore халқаро портали йил давомида Суперлиганинг ҳар бир ўйинида футболчиларнинг статистик маълумотларини жамлаб, ўйинчиларга балл қўйиб борди. Унга кўра, Суперлига 26-тури доирасидаги «Динамо» - «Сўғдиёна» (1:0) учрашувида самарқандликлар дарвозабони Равшанбек Ягудин 11та сейв (!) амалга ошириб, Sofascore портали томонидан максимал 10 баллик тизимда 9,9 баллга лойиқ кўрилди. Бу Суперлига жорий мавсумида энг юқори балл сифатида рекордга айланди. 

Бунгача «Сўғдиёна» ҳужумчиси Люпче Дориев «Бунёдкор»га қарши ўйинда (4:0) ҳет-трик қайд этиб, мавсумда энг юқори – 9,8 баллни қайд этганди.

Бундан ташқари, 28 ёшли Ягудин Суперлига-2024да жами 78та сейв билан энг яхши натижани қайд этди.